"ابن التنين"" – زهرة اللوتس" | ورد أبو أصبع
أغنية راب/هيب هوب جديدة من ورد أبو أصبع.
تتحدّث الأغنية عن محاولة إيجاد فسحة أمل، رغم التعب والإنهاك، والتحدّيات الّتي تواجه الشباب الفلسطينيّ، ولا سيّما الشباب المتمرّد، الّذي يعيش ظروفًا اجتماعيّة واقتصاديّة وسياسيّة صعبة.
ورد أبو أصبع "رابر" فلسطينيّ، سنّه عشرون عامًا من مدينة الطيبة، بدأ يتعلّم موسيقى "الراب" هوايةً منذ صغره، وقرّر احترافها؛ لتكون وسيلة يوصِل من خلالها رسالته إلى العالم.
طاقم الفيديو:
إخراج الفيديو: أيهم مجند.
إنتاج: محمّد خضرجي.
كلمات الأغنية:
البلد كان عقيم بس الولد كفاحي
والطريق كان مسكر من كل النواحي
ماسك قلم وورقة.. بيكتب بس سطور
متأمل بين العتمة يطلع خيط نور
صفى ذهنه تأمل لكسب الـFocus
غرقوك بالبحيرة في طشت زهرة لوتس
نشفوا المي فَ عطشت نجاح وخبرة
تعب كثير فأحلامه باتت حرة
مش طالب تحمل عني بس تزدش حجار
اي أنا الأنسان اللي نولد بالنار
قديش كرهتني واحبطتني لفتت بـComa
حاولت اسبح وتفشيت بجسمي لوما
مش رح احكي الوصول سهل لأني ذقت الويل
مريت ايام سودا اسود من الليل
نهد الحيل قطعت الديل حطيت الهيل رفعت الكيل
فتفتحت عندي الرؤية
زي الايكو
طلعتوا كلكو بت*****وا
كلكو نايمين وانا ضليتني صاحي
كلكو ولاد مدينة وانا ابن الضواحي
اللقمة يلي بتمكو ياما حلمت فيها
الليلة يلي نمتوا ياما سهرت فيها
لهيك بطلع نار من تمي صعب تطفيها
فشي عدل ف بنلجأ للغير قانوني
ي باشا مش متمرد بس بكره الحكومة
حطيت كلفشات بأيدي لفكرتها سوارة
رميتني جوا السجن ف لقيت كل الحارة
حبست الدمعة جواتي ف تحولت لغل
معنديش Ego بس انا احسن من الكل
من يوم ما خلقت ع الحياة عم بصارع
متلومنيش لحبي المبالغ للشوارع
مش مهم مكونش الأول
بس مش الأخير
ف زمن أول حول
أنا مش ضرير
لأنكوا ال high class مش ح تحسو بشو عانينا
لما نشوف حكومة ع طول بنرفع ايدينا
لسا عم تتذمر وبتسألني كيف
دخلك وينتا اخر مرة شفت دم ع الرصيف
لوم الجشع قبل لتلوم الأيدي السارقة
لولا الفقر احنا أطهر من الملائكة
زهقت استنى الشمس الليلة كثير طولت
مش قادر اطلع من ذاني عويل ام ترملت
حملتوا شناطيكو انا حملت هم عيلة
وانا صغير حملت طوب لحتى انهدّ حيلي
ابوي بموت قدام عيني ما باليد حيلة
بعد كل يلي عشته بتحكي كيف ربي ذيلي
اي انا اللي مات وتمرد ع الضريح
اي انا اللي رفعت الشراع بعكس الريح
انا يلي حكى عن العالم قبيح
ابن التنين .. تذكر هالإسم منيح
